Perezida Yoweri Museveni wa Uganda, yageze i Dar es Salaam, muri Repubulika Yunze Ubumwe ya Tanzaniya kuri uyu wa Gatatu ushize, ku butumire bwa mugenzi we, Dr. Suluhu Samia Hassan, mu ruzinduko rw’akazi rw’iminsi ibiri.
Abinyujije kuri X, Museveni yavuze ko “Uganda na Tanzaniya bifitanye umubano mwiza cyane umaze igihe kirekire, ushingiye ku mateka dusangiye, amahame y’ubumwe bwa Afurika (Pan-Africanism) ndetse n’ubushake bwo gushyigikira ubumwe n’imikoranire mu karere.”
Yongeyeho ko ategereje kuzagirana ibiganiro byungura, bizakomeza gushimangira imikoranire yacu hagamijwe iterambere ry’ibihugu byacu byombi ndetse n’akarere ka Afurika y’Iburasirazuba.
