Uwahoze ari umuzamu wa Chelsea na Arsenal, Petr Cech yatangaje ko we n’umugore we Martina batandukanye nyuma y’imyaka 26 bari kumwe.
Uyu mugabo w’imyaka 43 y’amavuko yatangaje aya makuru abinyujije ku rubuga rwa Instagram ku wa Kane, mu butumwa bwuzuye amarangamutima, buherekejwe n’ifoto y’umukara n’umweru.
Cech na Martina bamenyanye bakiri abangavu mu 1999, basezerana mu 2003, bakaba bafitanye abana babiri: Damian w’imyaka 16 na Adela Cechova w’imyaka 17.
Mu butumwa bwe, Cech yagize ati: “Martina nanjye tubabajwe no gutangaza ko dutandukanye nyuma y’imyaka 26 turi kumwe. Dukomeje kuba inshuti magara kandi twishimira cyane abana bacu babiri.”
Umukobwa wabo Adela akina nka myugariro mu ikipe ya Fulham no mu Czechia U17, mu gihe umuryango ukomeje gushyigikira impano z’abana babo.
