Ikipe ya Rayon Sports FC ikomeje gahunda yo kwiyubaka mbere y’umwaka w’imikino wa 2025/2026, aho yamaze gusinyisha myugariro Bayisenge Emery, ndetse inongerera amasezerano umukinnyi wo hagati Niyonzima Olivier Sefu.
Bayisenge Emery wakiniye amakipe atandukanye arimo Gasogi United ndetse n’ikipe y’igihugu Amavubi, yasinye amasezerano y’umwaka umwe.
Ku rundi ruhande, Niyonzima Sefu wari usanzwe ari umukinnyi wa Rayon Sports, yongerewe amasezerano y’umwaka umwe.
Sefu ni umwe mu bakinnyi bazwiho kuyobora umukino hagati mu kibuga, by’umwihariko mu guhuza abasatira n’abugarira.
Iyi ni intambwe ikomeye mu kongera imbaraga z’ikipe ya Rayon Sports, igamije gusubira ku rwego rwo hejuru mu marushanwa y’imbere mu gihugu no hanze yacyo.
