Ambasaderi w’u Rwanda muri Repubulika ya Demokarasi ya Congo, Vincent Karega, yashimye politiki ya guverinoma y’intara ya Haut-Katanga mu rwego rw’ibikorwaremezo.
Hari mu nama yateguwe ku wa mbere, itariki ya 04 Ukwakira 2021 i Lubumbashi, mu rwego rwo kwizihiza umunsi mpuzamahanga w’imiturire.
Kuri ambasaderi w’u Rwanda muri Repubulika Iharanira Demokarasi ya Congo, iterambere mu bikorwaremezo ririgaragaza ku muntu wese ugenda mu Mujyi wa Lubumbashi, umurwa mukuru w’Intara ya Haut-Katanga. Iyi ntara ni nayo Ambasaderi Karega yavukiyemo ndetse yakuriyemo akanigamo mbere yo gutaha mu Rwanda ababyeyi be bari baravuyemo bahunze muri za 60.
“Ndashaka mu gutambuka gushimira Minisitiri w’ibikorwa Remezo ku bikorwa byakozwe muri uyu mujyi. Buri wese azi ko imihanda irimo gusanwa kandi hubakwa imihanda mishya. Ahantu h’ubucuruzi haratezwa imbere, ni ukuvuga ko hari uburyo bwo koroshya ubucuruzi n’imiturire hagamijwe kubahiriza no kubaha itangwa rya serivisi tutabona mu mijyi imwe n’imwe ya RDC “.
Ku ruhande rwe, Minisitiri w’ibikorwaremezo mu ntara, Miguel Katemb, wateguye iyi nama, yavuze ko politiki y’imiturire y’intara ijyanye n’icyerekezo cy’umukuru w’igihugu.
“Ntabwo nshobora kurangiza ijambo ryanjye ntashimiye mu izina rya guverineri w’intara, Jacques Kyabula Katwe, Perezida wa Repubulika akaba n’umukuru w’igihugu, ku iyubakwa ry’inzu zagenewe abasirikare mu murwa mukuru Kinshasa.
Igikorwa gishimangira insanganyamatsiko y’uyu mwaka ari yo: ‘Kwihutisha ibikorwa mu mijyi ku Isi itarangwamo imyuka ihumanya’. Haut Katanga rwose izaba intara ya kabiri yungukiye muri iki gikorwa cy’ubucunguzi “.
Iyi nkuru yibutsa ko ibikorwa byo kwizihiza Umunsi Mpuzamahanga w’imiturire wizihizwa buri wa mbere wa buri kwezi kwa cumi, byatangijwe na Visi Guverineri Jean-Claude Kanfwa kuri Hôtel Karavia.
