Amasaha make mbere y’iburanisha riteganijwe kuri uyu wa Mbere, itariki 21 Kanama 2023 mu rukiko rushinzwe kurinda Itegeko Nshinga mu rubanza rw’inyerezwa ry’amafaranga y’umushinga w’ubuhinzi wa Bukanga Lonzo, hakomeje kwibazwa niba Senateri Matata Ponyo (wahoze ari Minisitiri w’Intebe) aza kugera mu rukiko cyangwa atahagera
Matata Ponyo akekwaho kunyereza miliyoni 205 muri 285 z’amadolari yari agenewe uyu mushinga wari ugamije kurandura ikibazo cy’inzara mu gihugu.
Ngo iyo uru rubanza ruza kuba irushanwa ry’umupira w’amaguru, uyu wari ukuba ari umukino wa kimwe cya kane cy’irangiza.
Nyuma yo kwemeza ko rufite ububasha bwo kuburanisha uru rubanza nyamara ku ikubitiro rwari rwemeje ko rudafite ububasha bwo kuburanisha uwahoze ari minisitiri w’intebe, “Urukiko rw’Itegeko Nshinga, rwemeje ko ruzaburanisha uru rubanza mu ruhame kuri uyu wa Mbere 21 Kanama 2023, saa tanu za mu gitondo.
Uru rubanza rwiswe R.P 0002 MP C / Bwana Matata Ponyo Augustin, Groobler Christo Stephanus na Mutombo Nyembo Deogratias ”, nk’uko inyandiko y’urukiko yakwirakwijwe ku mbuga nkoranyambaga ibigaragaza.
Matata Ponyo bivugwa ko atari i Kinshasa, yari yamaze kugaragaza uburakari abinyujije ku bamwunganira, avuga ko icyemezo kimuhamagaza mu rukiko cyatanzwe n’Urukiko Rukuru kitemewe n’amategeko.
Mu kiruhuko cy’abadepite aho ari muri Kindu, uyu musenateri uhagarariye Maniema kandi watangaje ko ari umukandida mu matora ataha ya perezida, yabujijwe inshuro ebyiri n’abamutoye kujya i Kinshasa nk’uko iyi nkuru dukesha Mediacongo.net ivuga.
Nk’uko amakuru aheruka avuga, ibihumbi by’abaturage bo mu murwa mukuru w’Intara ya Maniema bakambitse hirya no hino ahazengurutse urugo rwe kugira ngo bamubuze kujya mu murwa mukuru.
Kuri bo, ngo icyemezo cya kabiri cy’Urukiko Rushinzwe Kurinda Itegeko Nshinga (cyemeza ko rufite ububasha bwo kumuburanisha mbere rwari rwavuze ko rudafite ubwo bubasha)nta shingiro gifite mu mategeko, kandi ngo ntibakwemera ko umuyobozi wabo yitaba urukiko ngo bigaragara ko rwamaze gutegura uko ruzamukatira no kumukura mu bahatanira umwanya w’umukuru w’igihugu nk’uko umwe mu badepite bamushyigikiye yabitangaje.
Ngo bafite impungenge cyane cyane z’umutekano we, bakurikije imihindagurikire y’imibereho, politiki n’umutekano by’igihugu muri ibi bihe.
Abasesenguzi bavuga ko kuri iyi nshuro, uwahoze ari Minisitiri w’intebe agomba guhitamo hagati, yo kumvira abaturage (abatora) bakomeza kumwumvisha ko afite ‘risques’ nyinshi naramuka agiye i Kinshasa kandi ko adashobora kumvira amabwiriza atemewe n’amategeko.
Ku rundi ruhande, afite guhitamo kumvira ubutabera, mu maso ye ndetse no ku mubare munini w’abahanga mu mategeko mu gihugu, barimo abarimu ba kaminuza bakomeye batanze ibitekerezo byabo ku rubanza rwa kabiri rw’Urukiko Rushinzwe Kurinda Itegeko Nshinga, basanga ntabwo.
Niba ahisemo inzira ya kabiri, umuyobozi w’ishyaka rya politiki rya LGD ngo azaba asuzuguye abaturage kandi ari bo bakoresha be b’ibanze.
