Kuri uyu wa Gatanu, itariki 26 Nzeri 2025, mu Karere ka Rwamagana, mu Ntara y’Iburasirazuba, habereye Kongere y’ishyaka Democratic Green Party of Rwanda (DGPR) hanafungurwa ibiro by’ishyaka muri ako karere mu gikorwa cyitabiriwe n’abayobozi batandukanye n’abashyitsi baturutse mu bihugu by’amahanga.
Perezida w’ishyaka Democratic Green Party, Hon. Frank Habineza, niwe wafunguye ibiro by’ishyaka mu Karere ka Rwamagana, ahanabereye Kongere y’iri shyaka ku rwego rw’intara y’Iburasirazuba.
Uyu muhango n’inama byitabiriwe n’abayobozi batandukanye b’ishyaka DGPR barimo Umunyamabanga Mukuru, Hon. Jean Claude Ntezimana ndetse n’abashyitsi baturutse mu bihugu nka Ireland, Kenya, Denmark, Sweden, Madagascar na Serbia.
Abandi bayobozi mu ishyaka bahari harimo Umubitsi ku rwego rw’igihugu, Hon. Icyizanye Masozera Jackie, Komiseri Mukuru w’ishyaka, Hon. Mugisha Alexis, Perezida w’ihuriro ry’abagore bo mu ishyaka, Mukeshimana Athanase, na Perezida w’urubyiruko rw’ishyaka, Jean de Dieu Murenzi.
.
