Minisiteri y’Ubuzima mu Rwanda kuri uyu wa 12 Mata 2020 yatangaje ko habonetse abandi bantu batandatu barwaye indwara y’icyorezo ya Covid-19, mu bipimo 1160 byafashwe.
Aba bantu ni abatahuwe ko bahuye n’abagaragayeho iki cyorezo mu Rwanda.
Muri rusange, abantu bamaze kwandura iki cyorezo muri iki gihugu ni 126, abantu 25 muri bo barakize harimo 7 bakize mu masaha 24 ashize.
Minisiteri y’Ubuzima iramenyesha Abanyarwanda ko umuntu wese uhisha cyangwa akanga gutanga amakuru arebana n’abahuye n’umurwayi wa Coronavirus cyangwa agahisha ibimenyetso byayo, aba ashyize ubuzima bwa benshi mu kaga kandi abihanirwa n’amategeko.
Ibimenyetso bya Coronavirus ni inkorora, guhumeka bigoranye n’umuriro. Ubigaragaje asabwa:
- Guhamagara umurongo utishyurwa wa 114 agahabwa ubufasha.
- Ashobora no kwipimisha akoresheje *114#, agakurikiza amabwiriza.
- Yakohereza ubutumwa bugufi kuri 0788202080.
- Ukoresha uburyo bwa E-mail, yakohereza ubutumwa kuri callcenter@rbc.gov.rw.
