Urukiko rwa gisirikare mu gihugu cya Somalia rwakatiye abagabo 3 igihano cy’urupfu nyuma yo guhamwa n’ibyaha by’ubwicanyi bwakozwe muri kiriya gihugu muri 2017 cyahitanye abantu benshi.
Aba bagabo barimo Farhan Mohamed Samatar, Abdinasir Daqane Hassan na Abshir Mohamed Hajji Bule bashinjwa uruhare rukomeye mu gutegura no gushyira mu bikorwa igitero cyagabwe mu murwa mukuru wa kiriya gihugu Mogadishu ku itariki ya 28 Ukwakira 2017 kikagwamo abasaga 20 abandi benshi bagakomereka ndetse hakanangirika ibintu bitagira ingano.
Abo bantu bikekwa ko ari bamwe mu bakorana n’imitwe y’iterabwoba yibasiye kiriya gihugu irimo na Al-Shabab igendera ku matwara ya kisilamu, bagabye iki gitero kuri hoteli Nasa Hablod iherereye mu mujyi wa Mogadishu.
Umucamanza Hassan Ali Noor Shute yavuze ko abo bagabo batatu bemeye ivyo baregwa imbere y’urukiko, ruhita rwanzura ko nta kindi gihano kibakwiye retse kubamanika kugira ngo babere abandi urugero.
