Abarwanyi bashyigikiwe na Leta ya Somalia bishe abarwanyi ba al-Shabab bagera kuri 45 baca imitwe bamwe muri bo. Abantu batatu babibonye babitangaje kuri iki Cyumweru, mu gihe abaturage bo mu ntara zo hagati bahagurukiye rimwe bafata ibirwanisho kugirango barwanye iterabwoba .
Bivugwa ko abo barwanyi ba Al Shabab baciwe imitwe kuwa Gatandatu, nyuma y’imirwano yabereye mu Ntara ya Hiran yo muri Leta ya Hirshabelle, ahamaze ukwezi habera imirwano hagati ya al-Shabab n’imitwe yitwaje intwaro ikorana na Leta ya Somalia.
Abaturage bavuga ko Al-Shabab yongereje ibikorwa byo gutwika amazu y’abaturage, gusenya amariba y’amazi, no kwica abasivili ibaciye imitwe mu ntara ya Hiran nk’uko iyi nkuru dukesha VOA ivuga.
Minisitiri w’ubutegetsi bw’igihugu wa Somalia, Ahmed Moalim Fiqi, yirinze kugir icyo avuga kuri ayo makuru kimwe n’umuvugizi wa al-Shabab utabashije kuboneka ngo agire icyo ayatangazaho nk’uko iyi nkuru ikomza ivuga.
Mu ntangiriro z’uku kwezi, abarwanyi ba al-Shabab bishe abasivili 18, banatwika amakamyo atwara imfashanyo. Mu kwezi kwa munani kandi, bishe abantu barenga 20 mu gitero bagabye kuri hotel.
