Kuri iki Cyumweru, iturika rihambaye ryumvikanye hafi y’ibiro bya Meya mu murwa mukuru wa Somaliya Mogadishu, nk’uko umutangabuhamya wongeyeho ko icyo gisasu cyakurikiwe n’amasasu yabitangaje .
Farah Abdullahi, umukozi mu biro by’umuyobozi w’akarere yabwiye Ibiro Ntaramakuru by’Abongereza, Reuters ati: “Ubwo twari mu biro twamenwe amatwi n’iturika, turahunga, amasasu arakurikira.” Ntabwo byahise bisobanuka uwari inyuma y’icyo gisasu.
Umutwe wa kisilamu wo muri Somaliya, al Shabaab, ariko, ukunze kugaba ibitero bya bombe n’imbunda i Mogadishu no mu gihugu hose.
Uyu mutwe urwanya guverinoma nkuru ya Somaliya kuva mu 2007 kuko ushaka kuyisenya no kuyisimbuza ubutegetsi bwawo bugendera ku matwara akarishye ya kisilamu, sharia.
Al Shabaab yakajije umurego mu bitero mu mezi ashize, ikaba muri iki gihe isa nk’irimo kwihimura nyuma y’uko Guverinoma ya Perezida Hassan Sheikh Mohamud itangije ibitero simusiga ku barwanyi bayo muri Kanama 2022.
