Rutahizamu Sugira Ernest ukinira Rayon Sports yongerewe mu bakinnyi b’ikipe y’igihugu (Amavubi) bitegura kwakira iya Cap-Vert mu gushaka itike y’irushanwa ry’Afurika (CAN).
Aya makuru yemejwe n’umuryango wa Rayon Sports kuri uyu wa 15 Ugushyingo 2020.
Sugira Ernest ntabwo yagaragaye mu bakinnyi Amavubi yitabaje mu mukino ubanza wabereye i Praia muri Cap-Vert, aho amakipe yombi yanganyije ubusa ku bundi (0-0).
Mu bigaragara, umutoza Mashami Vincent ashobora kwitabaza uyu mukinnyi mu busatirizi, kuko mu mukino ubanza byagaragaye ko ari ho Amavubi yari akeneye gushyira imbaraga.
Kuza kwa Sugira rero, kukaba ari amahitamo meza ku mutoza ushaka kwegukana amanota atatu, Amavubi ari ku mwanya wa nyuma, akagira amanota ane.
Sugira Ernest Gushyingo 2019, ari we wafashije Amavubi gukatisha itike yo kujya mu irushanwa ry’Afurika ry’abakinira mu bihugu byabo (CHAN), wenyine atsinze Ethiopia ibitego 2.
Ibi bitego Sugira yabibonye mu mikino ibiri, aho uwa mbere Amavubi yanganyije na Ethiopia 1-1, uwa kabiri wabereye i Kigaki, Amavubi atsinda Ethiopia 1-0, ayisezerera atyo.
Umukino wa kabiri w’Amavubi na Cap-Vert uteganyijwe ku wa Kabiri, tariki ya 17 Ugushyingo 2020.
