Indege itwara abagenzi yaguye mu kiyaga cya Victoria muri Tanzaniya kuri iki Cyumweru ubwo yageragezaga kugwa mu muyaga mwinshi ku kibuga cy’indege kiri mu mujyi wa Bukoba ku nkombe z’ikiyaga. Abantu 19 muri 43 bari barimo bahasize ubuzima
Kugeza ubu abantu 26 barokowe mui abo bagenzi 43 bari mu ndege ya Precision Air cyangwa niba hari abapfuye, nk’uko byatangajwe na Tanzaniya Broadcasting Corporation (TBC).
TBC yatangaje ko iyi ndege yari ivuye mu murwa mukuru w’ubucuruzi Dar es Salaam, “yaguye mu kiyaga cya Victoria muri iki gitondo kubera umuyaga n’imvura nyinshi”.
Amashusho yakwirakwijwe ku mbuga nkoranyambaga yerekanaga indege yarengewe n’amazi, umurizo wayo gusa w’ibara ry’icyatsi n’umuhondo wijimye ari wo ugaragara hejuru y’amazi y’ikiyaga cya Victoria, ikiyaga kinini muri Afurika.
TBC yongeyeho ko amato y’abatabazi yoherejwe kandi abashinzwe ubutabazi bakomeje gutabara abandi bagenzi baheze mu ndege.
Precision Air, isosiyete nini y’indege y’abikorera muri Tanzania, yatangaje ko iyi ndege ari indege yari mu rugendo rwiswe PW 494 “yagize impanuka ubwo yari yegereye ikibuga cy’indege cya Bukoba” ariko nta bisobanuro birambuye yatanze.
