Perezida wa Tanzania, Samia Suluhu Hassan, yagize umuraperi Hamisi Mwinjuma, uzwi nka Mwana FA, Minisitiri wungirije ushinzwe umuco, ubuhanzi na siporo nk’uko tubikesha The Citizen .
Mu ivugurura ryatangajwe kuri iki Cyumweru, itariki ya 26 Gashyantare, n’ubuyobozi bushinzwe itumanaho muri perezidansi, Mwana FA yasimbuye kuri uyu mwanya Pauline Gekul wagizwe minisitiri wungirije ushinzwe itegeko nshinga n’ibibazo by’amategeko.
Mwinjuma, usanzwe ahagarariye akarere ka Muheza mu Inteko Ishinga Amategeko, afite impamyabumenyi ihanitse mu bijyanye n’imari yakuye muri Kaminuza ya Coventry, mu Bwongereza.
