Perezida Donald Trump wa Leta Zunze Ubumwe za Amerika avuga ko nta gushidikanya guhari ko Amerika yageze ku “ntsinzi yuzuye”, nyuma yo kwemeranya na Iran agahenge k’ibyumweru bibiri, ariko ntibyabujije ko ibitero bikomeza hirya no hino mu Burasirazuba bwo Hagati.
Mu kiganiro yagiranye n’ibiro ntaramakuru AFP nyuma yo gutangaza ako gahenge kuri uyu wa Kabiri ushize, yavuze ko muri ayo masezerano gahunda ya Irani yo gutunganya uranium “izitabwaho neza cyane”.
Ati: “Iyo bitaba ibyo sinari kuba nemeye.” Nta makuru arambuye yatanze ku kuntu bizagendekera iyo uranium.
Abajijwe niba azongera gukangisha gusenya ingomero z’amashanyarazi za gisivile za Iran hamwe n’ibiraro bya gisivile ayo masezerano naramuka atubahirijwe, yavuze gusa ati: “Ibyo uzabyibonera.”
Trump, biteganyijwe ko agirira uruzinduko mu Bushinwa mu kwezi gutaha aho azahura na Perezida Xi Jinping, aho yagize ati: “Numva ko ari yego”, ubwo yari abajijwe niba Ubushinwa bwaragize uruhare mu gutuma inshuti yabwo Irani yemera ako gahenge.
Nubwo avuga ko hemeranyijwe agahenge, Iran yakomeje kugaba ibitero hirya no hino ku bipimo biri mu bihugu by’inshuti za Amerika birimo Israel, Bahrain, Qatar, UAE n’ahandi byikanzwe.
