Jumatano tarehe 7 Mei, katika makazi yake yajulikana kama Cité de l’Union Africaine, Rais wa Jamhuri ya Kidemokrasia ya Kongo (Félix Antoine Tshisekedi Tshilombo) alipokea Robert Dussey, Waziri wa Mambo ya Nje wa Togo anayehusika pia na Ushirikiano wa Kikanda na Watogo wa Diaspora.
Dussey alikuja na ujumbe kutoka kwa Rais wa Togo, Faure Gnassingbé, ambaye aliteuliwa na Umoja wa Afrika (AU) kuwa mpatanishi katika mgogoro wa usalama mashariki mwa DRC na katika mvutano wa kidiplomasia kati ya DRC na Rwanda.
Baada ya kikao chao, Waziri Dussey alisema:
“Nimekuja Kinshasa kwa niaba ya Rais Faure Gnassingbé kuwasilisha ripoti ya maendeleo aliyopiga katika juhudi zake za upatanisho ili kurejesha amani mashariki mwa DRC.”
Rais Faure Gnassingbé alimrithi João Lourenço, Rais wa Angola, ambaye alijiuzulu nafasi hiyo ya upatanishi mwezi Machi ili kuzingatia majukumu yake mapya kama Mwenyekiti wa Umoja wa Afrika.
