Perezida wa Repubulika ya demukarasi ya Congo, Félix Tshisekedi, yahuye na mugenzi we uyobora Angola, Joà£o Lourenà§o, barebera hamwe niba umutwe witwaje intwaro wa M23 n’ingabo za RDC biri kubahiriza ibyemezo byafatiwe i Luanda.
Mu ntangiriro za Werurwe 2023, Lourenà§o usanzwe ari umuhuza wa Leta ya RDC na M23 yakiriye intumwa z’uyu mutwe witwaje intwaro, bafatira hamwe umwanzuro w’uko abarwanyi bawo bahagarika imirwano, bagatangira kurekura ibice bafashe guhera ku ya 7 Werurwe.
Ibiro bya Perezida wa RDC byatangaje kuri uyu wa 12 Mata 2023 ko aba bakuru b’ibihugu byombi bahuye, bagirana ikiganiro cy’isaha. Biti: “Basuzumye ingingo ziri mu myanzuro ya Luanda, zirimo guhagarika imirwano kwa M23 no kurekura ibice yafashe mu buryo butemewe n’amategeko muri Kivu y’Amajyaruguru.”
Tshisekedi na Lourenà§o mu gihe imirwano itaherukaga hagati y’ingabo za RDC na M23 yongeye kubura muri Kibumba, teritwari ya Nyiragongo kuri uyu wa 12 Mata, uyu mutwe witwaje intwaro ukaba wasobanuye ko wagabweho igitero umaze gushyikiriza ingabo z’umuryango wa Afurika y’iburasirazuba ibirindiro wari uhafite.
