Tshisekedi yatorewe kuyobora RDC muri manda ya 2

Sangiza iyi nkuru

Komisiyo y’amatora muri Repubulika Iharanira Demokarasi ya Congo (CENI), yemeje ko Félix Antoine Tshisekedi Tshilombo wari usanzwe ari Perezida w’iki gihugu ari we wegukanye intsinzi mu matora aheruka.

Tshisekedi w’imyaka 60 y’amavuko yatorewe kuyobora RDC mu myaka itanu iri imbere ahigitse bagenzi be 25 bari bahatanye.

Ni nyuma yo kugira amajwi 73% nk’uko ibyavuye mu ibarura y’amajwi y’agateganyo yatangajwe na CENI kuri iki cyumweru bibyerekana.

Yahigitse abarimo Moà¯se Katumbi wamukurikiye n’amajwi 18.08% cyo kimwe na Martin Fayulu waje ku mwanya wa gatatu n’amajwi 5.33%.

Denis Mukwege wegukanye igihembo cy’amahoro cyitiriwe Nobel ari mu bakandida batashoboye kugeza byibura ku majwi angana na 1%.

CENI yemeje Tshisekedi nk’uwatsinze amatora, mu gihe bagenzi be icyenda barimo Katumbi na Fayulu bamaganye ibyavuye muri ariya matora yo muri RDC; bagasaba ko yasubirwamo.

Soma Izindi Nkuru

Leave a Reply

Your email address will not be published. Required fields are marked *