U Buhinde bwagerageje neza missile ballistic ya kirimbuzi, Agni-4, Minisiteri y’ingabo ivuga ko igeragezwa ari “gahunda” isanzwe. Igisasu cyageragejwe bivugwa ko gifite ubushobozi bwo kugera mu birometero ibihumbi.
Igerageza ry’iyi misile ryakorewe kuri uyu wa Mbere ku kirwa cya Abdul Kalam muri leta ya Odisha, nta kibazo gikomeye ryahuye nacyo kandi byagaragaye ko ryagenze neza, nk’uko byatangajwe n’igisirikare.
Itangazo ryacyo ryagiraga riti: “Igerageza ryagenze neza ryari mu rwego rwo gutangiza amahugurwa asanzwe y’abakoresha akorwa hifashishijwe ubuyobozi bwa Strategic Force Command”, cyongeraho ko igerageza ryagaragaje “ubwizerwe bwa sisitemu” kandi ryongera gushimangira ubushobozi bwa New Delhi mu bwirinzi.
Iki gisasu, Agni-4, cyangwa Fire-4 cyakozwe n’ishami ry’ubushakashatsi mu bwirinzi n’iterambere ry’u Buhinde (DRDO), ni misile iraswa mu ntera ndende bivugwa ko ishobora kugera ku bipimo biri mu ntera ya kilometero 4000.
New Delhi kandi yakoze igerageza ritandukanye rya Agni-5, misile yo mu bwoko bwa misile za ballistique zambukiranya imigabane (ICBM) ifite ubushobozi bwo kugera mu ntera ndende kurushaho nk’uko tubikesha Russian Today.
Kimwe mu bihugu bicye bitunze intwaro za kirimbuzi, u Buhinde, bwaherukaga kugerageza Agni-4 muri 2018, mu gihe igeragezwa rya Agni Prime iraswa mu ntera ngufi ryakozwe mu mpera za 2021.
