Minisiteri y’ubutegetsi, umutekano n’iterambere ry’abaturage mu Burundi, yatangaje ko igiye guca ibinyobwa bifite ubukana burenze 20% bipfundikirwa mu macupa ya pulasitiki (plastics).
Itangazo iyi Minisiteri yashyize hanze kuri uyu wa 14 Ukwakira 2021 risobanura ko iki cyemezo cyafashwe bitewe na bamwe mu baturage bamaze igihe babisaba, bashingiye ku ngaruka izi nzoga zigira ku buzima, bigatuma badateza imbere imiryango yabo n’igihugu muri rusange.
Ishingiye kuri iyi mpamvu, ibi binyobwa ntibizaba byemerewe gucururiza mu Burundi guhera tariki ya 16 Ugushyingo 2021. Gusa iri tangazo ngo ntirireba ibipfundikirwa mu macupa y’ibirahuri.
