Minisiteri y’ingabo z’u Burusiya yatangaje ko abasirikare bayo bagerageje misile ifite ubushobozi bwo kwambukiranya imigabane izwi nka ICBM.
Iyi Minisiteri isobanura ko iri gerageza ryakorewe ku birindiro by’ingabo kabuhariwe bya Kapustin Yar biherereye mu karere ka Astrakhan kuri uyu wa 11 Mata 2023.
Yagize iti: “Ku wa 11 Mata 2023, ingabo kabuhariwe zikoresha misile zagerageragereje misile yambukiranya imipaka mu kigo cy’imyitozo cya Kapustin Yar mu karere ka Astrakhan.”
Icyari kigamijwe muri iri geregeza ni ukugira ngo u Burusiya bumenye niba misile zikorwa n’u Burusiya zishobora gukora neza nk’uko byateganyijwe, nk’uko iyi Minisitiri yakomeje ibisobanura.
Ikinyamakuru Moscow Times kiremeza ko iyi misile yahamije neza igipimo cyashyizwe mu gace ka Sary-Shagan.
