Kuri uyu wa mbere, u Burusiya bwatangaje ko bwagerageje misile nshya ifite umuvuduko nk’uw’urusaku yarashweivuye ku bwato bugendera munsi y’amazi (Submarine) missile Perezida Vladimir Putin yise Invincible (Ikintu kidashobora kuneshwa).
Leta y’u Burusiya mu myaka yashize yashimangiye ko irimo gukora intwaro ziteye imbere yizeye ko zizaha umwitangirizwa ibindi bihugu birimo na Leta Zunze Ubumwe za Amerika mu isiganwa ryo kwibikaho intwaro zigezweho mu gihe umwuka utari mwiza hagati yabwo n’uburengerazubaukomeza kwiyongera.
Iyi missile yo mu bwoko bwa “Hypersonics” ishobora kugenda inshuro zirenga eshanu umuvuduko w’ijwi bikaba bituma bigorana gukurikirana no kuyihagarika nk’uko bigenda kuri missile isanzwe.
Minisiteri y’ingabo mu itangazo yashyize ahagaragara kuri uyu wa Mbere cyatangaje ko cyarashe missile yiswe Tsirkon ivuye ku bwato bugendera munsi y’amazi butwara ibisasu bya kirimbuzi bwiswe Severodvinsk kandi ikagera ku gipimo mu nyanja ya Barents.
Ikinyamakuru The Moscowtimes kivuga ko ubwo yagezaga ijambo ku banyagihugu mu 2018 ari bwo yahishuye ko igihugu kirimo gukora missiles zirimo Tsirkon zifite ubushobozi bwo gukora ibirometero 1,000.
Tsirkon kandi bivugwa ko ishobora no gushyirwa ku modoka ya Avangard hypersonic glide yashyizwe mu kazi mu mwaka wa 2019 kimwe na misile za Kinzhal (Dagger) zimwe mu ntawro zikaze z’u Burusiya.
U Burusiya bwagerageje iki gisasu nyuma y’icyumweru Koreya ya Ruguru na yo igerageje missile yo muri ubu bwoko bw’izifite umuvuduko udasanzwe aho impuguke zemeza ko kugeza ubu u Burusiya busa nk’ubwahaye intera ibindi bihugu.
Mu nkuru yacu turimo kubategurira, tuzabagezaho ibihugu bitanu rukumbi bifite missiles zambukiranya imigabane zishobora kuraswa ahantu hose ibi bihugu byakwifuza ku Isi.
