Ku wa Gatanu tariki ya 23 Mutarama 2026, u Rwanda rwakiriye abarwanyi umunani bari bamaze igihe barwana mu mutwe w’ingabo zidasanzwe za FDLR zizwi nka CRAP.
Aba barwanyi bari mu Banyarwanda 14 bakiriwe mu kigo cya Mutobo giherereye mu karere ka Musanze.
Gatabazi Jean Marie Vianney uri mu bagize inama y’abakomiseri muri Komisiyo y’Igihugu Ishinzwe Gusezerera no Gusubiza mu Buzima Busanzwe Abahoze ari Abasirikare, yavuze ko bariya barwanyi baturutse muri FDLR bayoborwa n’uwitwa Lieutenant-Colonel Guillaume.
Yavuze ko usibye abaturutse muri CRAP, hari n’undi umwe waturutse mu mutwe wa Nyatura ndetse n’abasivile batandatu barimo “abapasiteri bafasha FDLR mu bikorwa bya gisirikare n’ubukangurambaga”.
Abakiriwe i Mutobo ku wa Gatanu bariyongera ku bandi 19 bakiriwe ku wa Kabiri tariki ya 20 Mutarama 2026, barimo abarwanyi 13 baturutse mu mutwe wa FDLR, Wazalendo ndetse no mu ngabo za Repubulika Iharanira Demokarasi ya Congo (FARDC).
Kuva mu minsi itatu ishize kandi u Rwanda rumaze kwakira ababarirwa muri 33 bahoze mu mashyamba ya Congo.
One Response
Ese abakomando ni iki?