bAbagabo 3 bo mu gace ka jinja muri Uganda bakurikiranyweho gukora ibisa n’imyigaragambyo bagatera amabuye imodoka y’umudepite bakayimenagura mu gihe yari mu nama yo kurebera hamwe uburyo hanozwa ibijyanye n’ivugururwa ry’ingingo ya 102.
Umuvugizi wa polisi yo muri kariya karere, Diana Nandawula, yatangaje ko aba bagabo uko ari 3 barimo Gibson Bagole, Abed Isabirye ndetse na Quintal Okumu, bose bakaba ari abaturage b’agace ko Mafubira batawe muri yombi bazira gutera amabuye imodoka ya depite Nelson Lufafa mu mpera z’icyumweru gishize.
Uyu mudepite wok u ruhande rw’ishyaka riri ku butegetsi, ngo yari yaje kuganiriza abaturage ku bijyanye n’igindurwa ry’imyaka y’umukuru w’igihugu, mu nama barimo bakorera mu ishuri ribanza rya Mafubira Primary School.
[xyz-ihs snippet=”google-pub”]
Aba basore ngo bamanutse basatira imodoka y’uyu munyacyubahiro, baririmba indirimbo yubahiriza igihugu cya Uganda ,bambaye udutambaro dutukura mu mutwe.
Ngo begereye iyi modoka bayoteragura amabuye barayimena ndetse banangiza bimwe mu byari birimo ku buryo byarangiye ari uko polisi igobotse igatera ibyuka biryana mu maso.
Abaturage bo muri aka gace bashinja uyu mudepite gutanga amafaranga ngo bakunze baze muri iyo nama, ndetse bakaba batanashyigikiye ko perezida Museveni akomeza kubayobora mu gihe iyi ngingo ihinduwe yamuhesha amahirwe yo kongera kwiramamariza kuyobora Uganda muri 2021.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
