Guverinoma ya Uganda yaba iherutse kwanga icyifuzo cy’umukuru w’inyeshyamba wo muri Sudani wasabaga gutura muri iki gihugu, kubera ko ngo badafite impamvu zifatika barwanira kandi badashaka inzira y’imishyikirano.
Amakuru atandukanye avuga ko Umuyobozi w’umutwe w’inyeshyamba wa Sudan Liberation Movement, wo muri Sudani, witwa Abdel Wahid Mohamed Al-Nur, yasabye uruhushya rwo gutura muri Uganda ariko akarwimwa ku mabwiriza ya Perezida Yoweri Museveni.
Ku wa Gatandatu ushize, umuyobozi mukuru mu nzego z’umutekano muri Sudani y’Epfo yabwiye Sudani Tribune ko Museveni yashinje Al-Nur kuba yaranze kwemera kugirana imishyikirano y’amahoro na leta agahitamo gukoresha inzira za gisirikare.
Ati: “Abdel Wahid Mohamed Al-Nur akoresha amakimbirane yabereye muri Darfur, cyane cyane mu gace ka Jebel Mara ku mpamvu z’ubucuruzi. Ntarwanira impamvu nyayo. Arimo kuba rwiyemezamirimo w’amakimbirane. Arimo gukoresha abaturage n’imirwano nk’agakingirizo k’ibikorwa bye by’ubucuruzi bitemewe mu gace ka Jebel. Ubu yishora ku mugaragaro mu bucukuzi butemewe. Yibagiwe rwose impamvu ya Darfur ”.
Umwe mu bantu bo ku rwego rwo hejuru yahishuye ko aherutse kugira uruhare mu gushaka guhuza Perezida Museveni na Al-Nur, ariko ntibishoboke kuko Perezida Museveni yanze guhura nawe.
“Muri serivisi za dipolomasi n’umutekano, icyifuzo kimaze ibyumweru birenga bibiri; bivuze ko uwacyakiriye adashishikajwe no gusurwa. Al-nur yagerageje inshuro nyinshi binyuze mu bo tuziranye, imiyoboro ya diplomasi n’ibiro byiza ariko umuyobozi wa Uganda ntarasubiza ”.
Umudipolomate muri Ambasade ya Uganda i Juba yabwiye Sudani Tribune ko Uganda na perezida batiteguye kugira uruhare mu gushyigikira binyuze muri dipolomasi mu gihe kitazwi imitwe y’inyeshyamba idafite impamvu zisobanutse cyangwa abadafite ibitekerezo n’ingengabitekerezo bisobanutse bigamije guhindura gahunda mu bihugu byabo.
