Mu gihugu cya Uganda haravugwa umugore watwitse imyanya ndangagitsina y’umwana w’umukobwa amuziza kunyara ku buriri bwe nk’uko tubikesha urubuga rwa spyreports rwandikira muri iki gihugu.
Igipolisi mu Karere ka Luwero cyataye muri yombi uyu mugore ukurikiranweho gutwika imyanya y’ibanga y’umwana w’umukobwa w’imyaka 3 y’amavuko.
Uyu mugore witwa Hadijja Nansasi utuye ahitwa Kasana, mu mujyi wa Bombo, ashinjwa gutwika imyanya y’ibanga y’uyu mwana w’umukobwa witwa Blessing Naiga bivugwa ko ari uwa mukuru we amuziza kunyara mu buriri bwe.
Uyu Nansasi kuri ubu akaba afunze ategereje kugezwa imbere y’urukiko muri dosiye ifite numero 23/06/01/2019.
