Minisitiri w’ingabo wa Ukraine yavuze ko amakimbirane abera muri Ukraine yahaye abakora intwaro mu burengerazuba amahirwe yo kureba ibicuruzwa byitwara neza mu ntambara ya nyayo yo kurwanya u Burusiya .
Aleksey Reznikov yabisobanuye agira ati: “Dufite ikibuga cyo kugeragerezamo imirwano muri Ukraine muri iyi ntambara.” “Dufite mortiers 155mm umunani zitandukanye mu kibuga… bityo ni nk’irushanwa hagati ya za sisitemu (z’ubwirinzi)” kugirango turebe iyigaragaza neza.
Ibitekerezo bya minisitiri Reznikov byatambutse mu kiganiro na Politico cyasohotse kuri uyu wa Kabiri ushize. Igitekerezo cy’ikibuga cyo kugeragerezamo intwaro cyagaragajwe bwa mbere n’umwungiriza wa Reznikov, Vladimir Gavrilov, wavuze ko bamwe muri ba rwiyemezamirimo mu nganda z’intwaro bo muri Amerika barimo kugerageza ubwoko bw’intwaro zitandukanye bakoze muri Ukraine.
Reznikov yavuze ko Kiev yiteze ko inkunga ya gisirikare ituruka mu banyamuryango ba NATO izakomeza kwinjira muri iki gihugu kandi ko yifuza kubyungukiramo byinshi. Urugero, Ukraine ishobora gutangiza imishinga ihuriweho na Pologne, u Bwongereza, cyangwa u Budage yo gukora intwaro.
Ati: “Tugomba guteza imbere inganda zikora indege zitagira abapilote atari iz’indege zitagira abadereva atari izo mu kirere gusa ahubwo no ku butaka no mu nyanja kuko ari ejo hazaza” h’intambara.
Minisitiri w’ingabo wa Ukraine kandi yahishuye ko igihe intambara n’u Burusiya yatangiraga, Amerika n’abafatanyabikorwa bayo babanje kwinangira ku kohereza intwaro muri Ukraine ariko nyuma bakaza kubona ko ari ngombwa.
