Minisitiri w’intebe wa Israel, Benjamin Netanyahu, yatangaje ko buri munyamuryango wa Hamas ari “umupfu” nyuma y’inama ya mbere ya guverinoma y’igitaraganya.
Iruhande rwe, utavuga rumwe n’ubutegetsi, Benny Gantz, yavuze ko “ari igihe cy’intambara”.
Ariko Perezida wa Amerika, Joe Biden, yavuze ko yavuganye na Netanyahu kandi asobanura neza ko Israel igomba “gukurikiza amategeko y’intambara”.
Abapfuye muri Israel nyuma y’igitero cya Hamas bageze ku 1.200. Abantu barenga 1100 bahitanywe n’ibitero by’indege bya Israel kuri Gaza nk’uko iyi nkuru dukesha BBC ivuga.
Perezida Biden yavuze ko yumva uburakari no gucika intege by’abaturage ba Israel ariko asaba Israel gukurikiza amahame y’amasezerano y’i Geneve. Yihanangirije kandi Iran, yishimiye igitero cya Hamas, ayisaba “kwitonda”.
Ku wa Gatatu, Netanyahu na Gantz bemeye gushyira ku ruhande amakimbirane ya politiki akabije yaje kwiyongera akavamo imyigaragambyo.
Gantz yabwiye abaturage ba Israel ko guverinoma nshya yashinzwe “yunze ubumwe” kandi ko yiteguye “guhanagura iki kintu cyitwa Hamas ku Isi”.
Iruhande rwa Netanyahu na Gantz, umuyobozi w’ishyaka ry’ubumwe bw’igihugu kandi wahoze ari minisitiri w’ingabo, guverinoma nshya y’agateganyo izaba irimo na Minisitiri w’ingabo, Yoav Gallant.
