Umunyarwanda Brigadier General Rusanganwa Déo uyobora ingabo ziri mu butumwa bw’amahoro bw’Umuryango w’Abibumbye ku rwego rw’akarere muri Repubulika ya Centrafrica (CAR) yasuye ingabo z’u Burundi zifite ibirindiro muri Sibut.
Brig. Gen. Rusanganwa yakiriwe n’umuyobozi w’ingabo z’u Burundi ziri mu butumwa bw’amahoro muri CAR, Lt Col. Mbonyiyeze Jean Pierre ku wa 9 Mutarama 2023.
Uyu musirikare hamwe na Lt Col. Mbonyiyeze basuye ibice bitandukanye birindwa n’ingabo z’u Burundi muri aka gace, bafungura ku mugaragaro ikiraro cya Mala cyasanwe n’izi ngabo, kugira ngo abaturage bongere bagikoreshe.
Nk’uko ibiro by’ingabo z’u Burundi bibisobanura, Brig. Gen. Rusanganwa yashimiye ibikorwa byaranze izi ngabo kuva zatangira ubutumwa bw’amahoro muri CAR.
