Ubwo yashyikirizwa icyo gihembo n’uhagarariye akanama gategura iryo rushanwa Goeoge Clooney ,Barankitse Marguerite yagize ati «agaciro kacu ni agaciro ka muntu , niba ufite imbabazi, agaciro n’urukundo muri wowe ntacyagutera ubwoba , ntacyaguhagarika kuko ntacyaruta urukundoyaba intwaro, ishyari cyangwa inzara »
ku Cy’umweru tariki ya 24 Mata 2016 i Erevan muri nibwo hatanzwe ibihembo bya Aurora For Awakening Humanity,Umurundikazi Marguerite barankitse niwe wegukanye icyo gihembo gifite agaciro ka Miliyoni y’amadorali bitewe n’ibikorwa bye byo gufasha no gutabara abantu batifashije mu gihugu cye cy’Uburundi .
Nk’umuntu wa mbere wegukanye ibihembo bya Prix Aurora Marguerite Barankitse yahawe ibihumbi ijana by’amadorali y’amerika nk’impano yiyongera kuri miliyoni imwe y’amadorali n’indi miryango yakoranye na Mariguerite Barankitse mu bikorwa byo gufasha abana b’impunzi ndetse n’imfubyi ,no kurwanya inzara mu bana bakiribato .ayo mashyirahamwe ni Fondation du Grand-Duc et de la Grande-Duchesse du Luxembourg, Fondation Jean-Franà§ois Peterbroeck (JFP Foundation) na Fondation Bridderlech Deelen Luxembourg.
Marguerite Barankitse yibukije ko impamvu yafashe iyo miryango aruko igizwe n’abantu bamufashije ibihe byose batigeze bamuva iruhande ,yewe no mu bihe bikomeye , bakomeje gufatanya n’inzu ya Shalom nawe ubwo ndangaciro rusange nk’Imbabazi,ubucuti, agaciro n’urugwiro .
Uwo muhango kandi witabiriwe n’abandi bayobozi benshi bakomeye kw’isi banakunze kugaragara mu bikorwa byo gufasha abantu batishoboye nk’umunyamabanga mukuru w’umuryango w’abibumbye Bwana Ban Ki Moon ,abagize akanama gategura Prix Aurora Gareth Evans, Hina Jilani, Leymah Gbowee, Shirin Ebadi et Vartan Gregorian
Abashyitsi kandi bashimiye abandi bantu batatu bageze ku mwanya wa nyuma aribo Dogiteri Tom Catena wo mu bitaro byitiriwe umubyeyi w’impuhwe mu misozi ya Nouba muri Sudan,SyedaGhulam Fatima,umunyamabanga mukuru wa Bonded Labour Liberation Front muri Pakistan na Padiri Bernard Kinviwo muri Centrafrika
Ubwo bafunguraga ibirori bya Prix Aurora bamwe mu bantu bamenyekanye cyane mu bikorwa byo kwita k’uburenganzira bwa muntu bahawe agashimwe k’ibihumbi 25.000 by’amadorali buri umwe mu rwego rwo gushishikariza imiryango yose yakoze akazi kayo ko gukomeza guharanira uburenganzirwa bwa Muntu.
Kanda hano ujye ubona amakuru yihuse kandi kugihe kuri Facebook no kuri twitter
@bwiza.com
