Umuryango w’Abibumbye (UN) wamaganye wivuye inyuma ubutegetsi bw’Abatalibani nyuma y’aho bubujije abagore abagore bo muri Afghanistan kuwukorera.
Kuri uyu wa 4 Mata 2023, Leta y’Abatalibani yatangaje ko abagore bo muri Afghanistan basanzwe bakorera UN bagomba kubihagarika. Ni amakuru yemejwe n’Umuvugizi w’Umunyamabanga Mukuru w’uyu muryango, Stéphane Dujarric.
Dujarric mu itangazo yashyize hanze kuri uyu wa 5 Mata, yagize ati: “Umunyamabanga Mukuru wa yamaganye bikomeye icyemezo cya Taliban cyo kubuza abagore bo muri Afghanistan gukorana na UN muri Afghanistan.”
Uyu Muvugizi asobanura ko iki cyemezo cyambura ikiremwamuntu uburenganzira bw’ibanze, by’umwihariko abagore kandi ngo bigaragaza ukwihunza inshingano zo kubahiriza itegeko mpuzamahanga no kutavangura kwa Leta ya Afghanistan.
UN yasabye Leta ya Afghanistan iyobowe n’Abatalibani kwisubira byihuse kuri iki cyemezo, igasubiza abagore uburenganzira bwo gukora inshingano bari bafite.
Dujarric avuga ko UN ifite abakozi b’abanya-Afghanistan bakabakaba 3,300 barimo abagore hafi 400. Ntabwo yumva ukuntu uyu muryango uzakomeza gukora akazi ko gufasha abaturage, udafite abagore.
