Ibiro Ntaramakuru by’u Burusiya byatangaje ko Urukiko rw’Ikirenga muri iki gihugu rwemeje ko Batayo ya Azov – y’abakorerabushake bafasha igisirikare cya Ukraine ari umutwe w’iterabwoba, wemerera abawugize igihano kirekire.
Urukiko rwanzuye “kwemeza umutwe witwara gisirikare wo muri Ukraine, Azov, nk’umutwe w’iterabwoba no guhagarika ibikorwa byawo ku butaka bw’u Burusiya”, ibi bikaba byatangajwe n’umucamanza nk’uko bitangazwa n’Ibiro Ntaramakuru bya Leta, TASS, byongeraho ko iki cyemezo gitangira gukurikizwa ako kanya.
Uyu mutwe witwara gisirikare ni umwe mu mitwe ikomeye ifasha Ukraine kurwanya u Burusiya mu burasirazuba bw’iki gihugu. U Burusiya bwakunze kuvuga ko Azov iyobowe n’aba “fashiste”.
