Polisi ivuga ko umuntu witwaje imbunda kuri uyu wa Gatatu yishe abantu bagera ku 10 mu iduka rya Walmart ahitwa Chesapeake, muri Leta ya Virginie yo muri Leta Zunze Ubumwe za Amerika .
Amakuru avuga ko uyu mugabo, ushinzwe ububiko, yararashe hanyuma agahindukiza imbunda akayitunga nawe akirasa.
Umujyi wa Chesapeake wanditse kuri Twitter ko abapolisi bemeje ko hari umuntu warashe abantu bagapfa mu iduka rya Walmart.
Hari amakuru macye yamaze kuboneka, ariko umupolisi yavuze ko byibuze abagera mu 10 bishwe abandi benshi barakomereka. Nta mpamvu n’imwe y’ubu bwicanyi kugeza ubu iramenyekana nk’uko bitangazwa na BBC.
