Alain-Diomède Nzeyimana wahoze ari Umuvugizi wa Perezida Evariste Ndayishimiye w’u Burundi yagizwe Umuyobozi w’urwego rw’igihugu rushinzwe itumanaho n’itangazamakuru.
Minisitiri w’Intebe, Gervain Ndirakobuca na Minisitiri Léocadi Ndacayisaba ushinzwe itumanaho, ikoranabuhanga n’itangazamakuru bashyize umukono ku cyemezo giha Nzeyimana iyi nshingano tariki ya 23 Gashyantare 2023.
Muri uru rwego, Oscar Nzohabonayo yagizwe umuyobozi w’ishami ry’itumanaho, Aloys Hoziyo agirwa umuyobozi w’ishami rishinzwe itangazamakuru.
Nzeyimana yabaye Umuvugizi wa Perezida Ndayishimiye kuva muri Nyakanga 2022 kugeza mu Kuboza 2022. Kuri iyi nshingano nshya yasimbuye Fidele Hasaba.
