Perezida Adama Barrow yatangaje ko Visi-Perezida wa Gambia, Badara Alieu Joof, yapfiriye mu Buhinde ku myaka 64 y’amavuko .
Visi-perezida yapfuye nyuma y’uburwayi yari amaranye igihe gito, nubwo Perezida Barrow atavuze niba yari arimo kwivuriza mu Buhinde.
Joof yari amaze amezi atagaragara mu ruhame, nk’uko byatangajwe na Omar Wally wa BBC ukorera mu murwa mukuru, Banjul.
Perezida Barrow yamutoreye kuba visi-perezida nyuma yo kongera gutorerwa mu Kuboza 2021 manda ya kabiri.
Muri Kamena, Joof yagaragaje ko atishimiye uko ibikorwa bya leta bigenda, avuga ko Abanyagambiya bari biteze byinshi kandi ko “ubucuruzi nk’uko bisanzwe” butazatuma habaho impinduka zikomeye, nk’uko umunyamakuru wa BBC yongeyeho.
