Umukinnyikazi wa filime Annie Wersching, wamenyekanye cyane muri filime y’uruherekane yiswe 24 (24 TV Series) yitabye Imana ku myaka 45.
Wersching yapfuye mu gitondo cyo ku cyumweru, tariki ya 29 Mutarama i Los Angeles, azize kanseri nk’uko umunyamakuru we yabitangarije ibitangazamakuru byo muri America.
Wersching yagaragaye kuri tereviziyo nyinshi mu myaka 20 yamaze akora umwuga wo gukina filime ndetse no kuzihanga.
Wershing bamusanganye kanseri mu mwaka wa 2020, nk’uko byatangajwe n’ikinyamakuru Deadline.
Uyu mubyeyi w’imyaka 45, asize umugabo na we ukina filime Stephen Full, ndetse n’abana batatu b’abahungu.
Uyu mubyeyi yagaragaye muri filime zigiye zitandukanye nka Star Trek: Enterprises, agaragara muri saison ya karindwi n’iya munani ya 24, akina muri Bosch, The Vampire Diaries, Marvel’s Runaways, The Rookie ndetse n’izindi.
NTANTURO Olivier
