Ikipe ya Young Africans SC (Yanga) yo muri Tanzania yegukanye igikombe cya Shampiyona y’icyiciro cya mbere cya 2024/25, nyuma yo gutsinda ikipe ya Simba SC ibitego 2-0 mu mukino wari utegerejwe na benshi.
Uyu mukino w’abakeba wagaragayemo ishyaka rikomeye, wabaye kuri uyu wa Gatatu nyuma y’igihe usubitswe ku mpamvu z’amakimbirane yashyizweho iherezo na Perezida wa Tanzania, Samia Suluhu Hassan.
Igice cya mbere cyarangiye nta kipe irebye mu izamu. Gusa ku munota wa 66, Pacôme Zouzoua yatsinze igitego cya mbere kuri penaliti nyuma y’ikosa ry’umunyezamu wa Simba. Ku munota wa 86, Clement Mzize yashimangiye intsinzi atsinda igitego cya kabiri.
Ni ubwa kane Yanga yegukanye iki gikombe yikurikiranya, cyiba igikombe cya 31 mu mateka yayo, igaragaza ubudahangarwa mu mupira w’amaguru muri Tanzania.
Yanga yaherukaga kwegukana igikombe cya shampiyona mu mwaka ushize wa 2023/24, none yongeye kwerekana ko ari yo kipe iri ku isonga muri Afurika y’Iburasirazuba.
