Umuyobozi mukuru w’inyeshyamba za ‘Antibalaka’ zo muri Centrafrika, Gen. Pinho yafashwe n’igisirikare cya Congo (FARDC) muri Teritwari ya Bondo.
Ku wa Gatatu tariki ya 16 Gicurasi 2018, nibwo Gen. Pinho yafashwe ari mu gace ka Kanzau muri Teritwari ya Bondo arinzwe n’abasirikare basaga 30 buri wese afite intwaro ye.
Radiyo Okapi dukesha iyi nkuru, itangaza ko Gen. Pinho yafatiwe mu nkambi y’impunzi zo muri Centrafrika ahagana saa yine n’iminota umunani (10:08) ku isaha yo muri icyo gihugu.
Umuyobozi w’ingabo za Congo, Carlos Kalombo avuga ko uyu mujenerali bamufashe nyuma y’imirwano idakomeye yabaye hagati ya FARDC n’abari bamurinze, arwana ashaka gusubira muri Centrafrika.
Gen. Pinho n’abari bamurinze 38 nyuma yo gufatirwa ku butaka bwa Congo, ngo bajyanwe ku cyicaro cy’ubuyobozi bukuru bw’ingabo i Uele. Umuyobozi mukuru w’ingabo muri iyi ntara, Brig.Gen Isaac Kisebwe akaba avuga ko abo basirikare bazahererekanwa biciye mu nzira zemewe n’amategeko bagasubizwa iwabo.
Muri Mutarama uyu mwaka, nabwo abarwanyi batatu ba Antibalaka bari bafashwe na FARDC babanje koherezwa i Kinshasa nyuma boherezwa iwabo.
Dore bimwe mu biteganywa guhindurwa mu Itegeko Nshinga ry’u Burundi
