Ku wa Kabiri tariki 5 Kamena 2018, nibwo hasozwa itangwa ry’urutonde rw’abakinnyi 23 b’ibihugu bizitabira igikombe cy’Isi 2018, gusa igikomeje gutungurana ni bamwe mu bakinnyi bakomeye batagaragaye ku rutonde rw’ikipe y’igihugu cya Argentine,u BubiLigi ndetse n’u Budage.
Ikinyamakuru The Mirror gitangaza ko bamwe mu bakinnyi bakomeye batigeze bahamagarwa n’amakipe yabo y’ibihugu, gusa uwa vugishije benshi ni Mauro Icardi wasigaye kubera Lionel Messi.
Mauro Icardi yasizwe kubera kutumvikana na Messi usanzwe ari kapiteni we mu ikipe y’igihugu ya Argentine.
Umubano wa Messi na Mauro Icardi watangiye kuzamo agatotsi aho Icardi atwaye umugore wa Maxi Lopez [inshuti yakadasohoka ya Messi] witwa Wanda Nara, bigatuma Messi amukuraho icyizere cyose yari amufitiye kugeza n’ubwo amukuza ku rutonde rw’abakinnyi bazakinira ikipe y’igihugu ya Argentine.
Abandi bakinnyi basigaye ni Raja Naingoran ukinira AS Roma akanakinira ikipe y’igihugu y’Ababiligi, wasizwe bitewe n’icyizere gike yagiriwe n’umutoza, Martinez w’u Bubiligi.
Leroy Sane usanzwe akinira Manchester City nawe ntiyahamagawe mu ikipe y’igihugu y’u Budage, yasizwe ahanini biturutse ku myitwarire mibi yagaragaje ubwo bari berekeje mu mwiherero.
Uyu Mauro Icardi uvugwaho gushyamirana na Messi, asigaye nyamara ashoboye dore ko yatsinze ibitego 29 mu mikino 33 muri uyu mwaka w’imikino wa 2017-2018, mu Butaliyani muri Serie A.
