Mu mukino wabaye ku wa Gatanu tariki ya 15 Kamena 2018, wahuje ikipe y’igihugu cya Espagne n’iya Portugal, icyamamare muri ruhago, Cristiano Ronaldo yatsinzemo ibitego bitatu biba iby’amateka.
Muri uyu mukino Cristiano yigaragarijemo bidasanzwe, ikinyamakuru 7sur7 gitangaza ko umuvuduko yakoresheje uru hejuru cyane, akaba yarirutse ku muvuduko 38,9 km/h.
Uyu muvuduko udasanzwe uyu musore w’imyaka 33 akoresha mu mikino, ngo ni na we mukinnyi wa mbere uwukoresha ku Isi, agakurikirwa na Arjen Robben, ukomoka mu Buholandi akaba akinira ikipe ya Bayern Munich, mu kibuga ngo akoresha umuvuduko wa 37km/h.
Mu mukino Portugal yakinnye na Espgane, ku munota wa 16 ngo nibwo Ronaldo yakoresheje uyu muvuduko udasanzwe, bikaza kurangira bamuteze agahabwa panalite akanayitsinda. Umukino waje kurangira ari ibitego bitatu ku mpande zombi.
Uyu musore ukomeje kwigaragaza mu mikino y’igikombe cy’Isi irimo kubera mu Burusiya, no ku mukino wahuje ikipe ya (Portugal) na Maroc ku wa Gatatu tariki ya 20 Kamena, uyu musore yayitsinze igitego kimwe, ari nacyo cyatumye amahirwe yayo arangirira aho.
