Mu gihe intambara hagati y’icyamamare muri muzika, Diamonds Platnumz na nyina w’umwana we, Hamissa Mobeto, ikomeje, Umunyemarikazi Zari Hassan nawe wamubyariye yamaze kugaragaza uruhande abogamiyeho.
Zari Hassan, Umugandekazi uba muri Afurika y’Epfo aho akorera ibikorwa bye by’ubucuruzi hakaba nta gihe gishize atandukanye na Diamondz babyaranye abana babiri, yagize icyo abwira mukeba we, Umunyamideri Mobetto nyuma y’aho Diamonds amushinje kugerageza kumuroga n’umuryango we.
Zari yifashishije instagram ye akaba yabwiye Mobeto kutazagira umuntu aha ubushobozi bwo guhitamo hagati ye n’undi muntu, yongeraho ko amwoherereje indamukanyo y’urukundo.
Dore amagambo Zari yanditse;
“ Never give anyone the power to ‘choose’ between you and someone else. If they cant decide, decide for them. Walk tf away and never look back. Go where your celebrated. Don’t even explain it to anyone, your journey is yours. NOBODY has to understand it but YOU. Sending nothing but love to you sis in TZ ?
Now wipe those tears ? and fix that ?”
Tugenekereje mu Kinyarwanda Zari yagize ati: “ Ntuzigere ugira uwo uha ubushobozi bwo guhitamo hagati yawe n’undi muntu. Niba badashobora gufata icyemezo kibafatire. Genda ntuzigere ureba inyuma. Jya aho wishimirwa. Ntuzagire n’uwo ubisobanurira, urugendo rwawe ni urwawe. Nta muntu ugomba kubyumva usibye wowe. Ntacyo nkoherereje usibye urukundo kuri wowe muvandimwe muri Tanzania. Ngaho hanagura ayo marira ubikemure ”.
