Perezida Barack Obama wa Leta Zunze Ubumwe za Amerika ari mu gihugu cya Cuba, aho yasesekaye kuri iki Cyumweru mu rugendo rw’amateka mu mubano mushya hagati y’ibihugu byombi.
Muri urwo rugendo nk’uko tubikesha Ijwi rya Amerika, Obama yajyanye n’umufasha we, Michelle Obama, n’abakobwa be babiri, Sasha na Malia Obama, ndetse tutibagiwe na nyirabukwe, Marian Robinson.
Usibye abo mu muryango we, perezida Obama yanaherekejwe n’abayobozi barimo bamwe mu bagize inteko ishinga amategeko, imitwe yombi, bo mu mashyaka yombi (Democrat na Republican), abayoboye inganda ndetse na bamwe mu banyamerika bakomoka muri Cuba.
Josh Earnest, Umuvugizi muri perezidansi ya Leta Zunze Ubumwe za Amerika, yatangaje ko Obama abonana na perezida wa Cuba, Raul Castro, baganire ku bijyanye no kurengera uburenganzira bwa muntu muri Cuba.
Twababwira ko Barack Obama abaye perezida wa mbere wa Leta Zunze Ubumwe za Amerika ukandagiye muri Cuba kuva mu myaka 90 ishize.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
