Nyuma y’aho Lt Col Darius Ikurakure yiciwe muri Etat Major y’igisirikare cy’u Burundi kuri uyu wa Kabiri, amakuru abyukiye mu itangazamakuru ry’u Burundi kuri uyu wa Gatatu aravuga ko na Major Didier Muhimpundu wahoze mu gisirikare cy’u Burundi (Ex-FAB) nawe yishwe.
Inkuru dukesha urubuga rwo mu Burundi , Bishasha.com, aravuga ko Major Muhimpundu yiciwe mu mujyi wa Bujumbura imbere ya Snack Bar Hibiscus.
Amakuru y’iyicwa rya Major Muhimpundu yemejwe na Pacifique Nininahazwe, Impirimbanyi mu bijyanye no kurengera uburenganzira bwa muntu na demokarasi mu Burundi, abinyujije ku rukuta rwe rwa Twitter.
Major Didier Muhimpundu, ex-FAB, abattu ce soir devant le Snack-Bar Hibiscus à #Bujumbura. Réplique ? #Burundi pic.twitter.com/U0x2xv5Tco
– Pacifique NININAHAZW (@pnininahazwe) March 22, 2016
Ibi bikaba byabaye nyuma y’amasaha umunani gusa Lt Col Darius Ikurakure yiciwe mu biro bikuru by’igisirikare cy’u Burundi n’umuntu kugeza ubu utaramenyekana ngo wamurashe agahita ata imbunda akaburirwa irengero.
Bishasha.co ikomeza ivuga ko hari andi makuru ayigeraho avuga ko haba hari n’undi musirikare mukuru mu gisirikare cy’u Burundi waba wishwe nawe ariko aya makuru akaba ataremezwa akiri gukurikiranwa.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
