Kuri uyu wa kane, itariki ya 2 Mutarama 2025, haracyakomeje imirwano ikaze muri Teritwari ya Masisi hagati y’Ingabo za Congo (FARDC) zishyigikiwe na Wazalendo, n’inyeshyamba za M23. nk’uko bitangazwa na Kivu Morning Post.
Iyi nkuru iravuga ko inyeshyamba za M23 zafashe uduce twa Lukopfu na Kaniro nubwo bigoye kugenzura aya makuru. Yafashe kandi ahitwa Kirwa na Karambi na Mugara.
Ibintu kandi ngo bikomeje kuba urujijo ahitwa muri Buguri aho imirwano ikomeje kubera. Kuri ubu, haravugwa imirwano ikaze hafi ya Katale, hafatwa nk’ahantu ha nyuma hasigaye mbere yo kugera i Masisi-Centre, umurwa mukuru wa Teritwari ya Masisi.
