Ikipe ya APR FC ifite igikombe cya Shampiyona y’u Rwanda giheruka yatangaje ko umukinnyi wabo wo hagati mu bwugarizi, Clément Niyigena akiri umukinnyi wabo aho yahakanaga amakuru avuga ko agiye kwerekeza muri Tunisia.
Mu itangazo ryashyizwe ahagaragara, APR yagize iti: “Turi kuganira n’umukinnyi wacu buri munsi kandi aracyari hano. Nta busabe na bumwe twigeze tubona buvuye muri Tunisia.”
Iyi kipe yatangaje ibi nyuma y’amakuru yavugaga ko Niyigena ashobora kwerekeza mu ikipe ya Olympique de Béja yo muri Tunisia. Gusa, APR yavuze ko nta kintu na kimwe cyerekana ko iyo kipe yamwifuje, uretse ibihuha biri kuvugwa.
Uyu myugariro yongereye amasezerano y’imyaka ibiri muri APR mu mezi arindwi ashize. Ubu ni umwe mu bakinnyi bakomeye muri iyi kipe, aho yitwaye neza mu bwugarizi ndetse akanatsinda ibitego bibiri muri shampiyona y’uyu mwaka.
Nubwo APR FC yahakanye amakuru y’uko uyu musore ashobora kuyisohoka gusa bivugwa ko iyi kipe yo muri Tunisia yifuje gutanga arenga miliyoni 100 z’amafaranga y’u Rwanda ariko APR FC yo ivuga ko itamutanga kuri ayo mafaranga.
Niyigena yatangiye gukina mu ishuri ry’umupira w’amaguru rya APR mu 2017 mbere yo kwerekeza mu Intare FC mu 2018 na Marines FC mu 2019-2020. Yanakiniye Rayon Sports hagati ya 2020 na 2022 mbere yo kugaruka muri APR.
