Kuva mu gitondo cyo kuri uyu wa Kabiri, itariki ya 28 Mutarama 2025, abasirikari n’abayobozi bo muri Tanzaniya basenye ibiraro bito byahuzaga Tanzaniya n’u Burundi, ku ruhande rwa Komini ya Giteranyi, Intara ya Muyinga.
Ibiraro bimaze gusenywa nk’uko bitangazwa n’ikinyamakuru Iwacu-Burundi, ni ibyo mu Mudugudu wa Shoza, Zone ya Giteranyi n’umudugudu wa Kabogo, Mukoni na zone Mugano.
Florida Nduwayezu, Umuyobozi wa Giteranyi, yemeje aya makuru kandi yongeraho ko impamvu z’iki gikorwa zitaramenyekana. Icyakora, ashimangira ko imibanire yari yifashe neza kugeza uyu munsi hagati y’Abarundi n’Abanyatanzaniya muri iyi komini.
