Perezida Paul Kagame na Madamu Jeannette Kagame,bitabiriye igitaramo cy’umuhanzi John Legend cyabereye muri BK Arena i Kigali ku wa Gatanu tariki 21 Gashyantare 2025.
Iki gitaramo cyari cyateguwe ku bufatanye n’umuryango Global Citizen n’Urwego rw’Igihugu rw’Iterambere (RDB), kikaba cyari kigamije guteza imbere umuziki no guha amahirwe urubyiruko rwo muri Afurika.
Perezida Kagame yagaragaje ko yishimiye cyane uko John Legend yagiye yitwara mu gitaramo, asuhuza abari muri BK Arena, kandi akagira umwanya wo kumvikanisha ko ibikorwa nk’ibi bifite akamaro kanini mu guteza imbere umuco n’ubushobozi bw’urubyiruko rwa Afurika.
Perezida Kagame yerekanye ko umuziki n’umuco bishobora kuba igikoresho gikomeye mu gufasha abaturage gukura mu bukene no kubona amahirwe mu buzima.
