Umutwe wa M23 kuri uyu wa Mbere tariki ya 3 Werurwe, wishe abarwanyi benshi b’imitwe ya Wazalendo bari bateye Umujyi wa Bukavu.
Amashusho yahererekanyijwe ku mbuga nkoranyambaga yerekana abo barwanyi babarirwa muri za mirongo bari ahitwa Camp TV, muri Komine ya Kadutu i Bukavu.
Amakuru avuga ko abo barwanyi bari boherejwe n’uwitwa Foka Mike nta n’umwe wabashije gusubira mu misozi bari baturutsemo, kuko M23 yabishe bose.
Ni nyuma y’imirwano itamaze umwanya munini yasakiranyije impande zombi.
M23 iragenzura Umujyi wa Bukavu yirukanyemo Ihuriro ry’Ingabo za Leta ya Repubulika Iharanira Demokarasi ya Congo kuva mu kwezi gushize.
Kuva uyu mujyi wafatwa, wagiye ugaragaramo bimwe mu bikorwa bihungabanya umutekano, birimo igitero cy’ibisasu byatewe ahazwi nka Place de l’IndĂ©pendence mu Cyumweru gishize bikica abantu barenga 15.
