Vyombo vya habari vya Ukraine vimeripoti kuwa Rais wa Ukraine, Volodymyr Zelenskyy, amekataa ombi la Urusi la kusitisha mapigano kwa siku tatu, akilitaja kuwa ni mchezo wa kuigiza, na badala yake akapendekeza kuwepo usitishwaji mapigano wa mwezi mzima.
Akizungumza na waandishi wa habari siku ya Jumamosi, Zelenskyy alisema:
“Usitishwaji mapigano usio na masharti ndiyo mfano uliowekwa na Wamarekani. Nasi tunafuata huo. Unaweza kuanza katika tarehe waliyoitaja au nyingine — ingekuwa bora kabla yake. Ndiyo, hebu tujaribu kwa siku 30. Kwa nini siku 30? Kwa sababu haiwezekani kufikia makubaliano ya kweli katika siku tatu, tano au saba.”
Rais wa Urusi, Vladimir Putin, alikuwa amependekeza kusitisha mapigano kuanzia tarehe 7 hadi 9 Mei, wakati wa sherehe za kila mwaka za kuadhimisha ushindi wa Vita Kuu ya Pili ya Dunia zitakazofanyika Moscow, ambapo wageni wa kimataifa hualikwa kushiriki.
Hata hivyo, Rais Zelenskyy alisema hangeweza kuhakikisha usalama wa wageni wa kimataifa watakaohudhuria gwaride hilo la maadhimisho ya ushindi wakati wa kipindi hicho.
