Ofisi ya Mwendesha Mashtaka wa Ngazi ya Kati huko Musanze inashughulikia kesi ya wanaume wawili wanaoshukiwa kumuua mwanamke wa miaka 55 kwa kumkata kwa panga hadi kufa.
Uhalifu huo ulitokea tarehe 29 Aprili 2025, katika kijiji cha Nyakazenga, kitongoji cha Rutenderi, kata ya Mugunga, wilaya ya Gakenke.
Kwa mujibu wa majirani wa marehemu, mwanamke huyo alikuwa amekwenda kuvuna viazi vitamu shambani. Washukiwa walimvizia kwenye shamba la migomba karibu na njia aliyotarajia kupita.
Taarifa kutoka kwa Ofisi Kuu ya Mashtaka ya Umma zinaeleza kuwa wali mpiga kwa panga kichwani mara kadhaa hadi kufa, kisha wakamkata mkono mmoja.
Chanzo kinachodaiwa cha mauaji hayo ni mizozo ya kifamilia. Wanaume hao walimshutumu marehemu kuwa anajihusisha na ushirikina, wakidai amesababisha vifo vya jamaa zao — hivyo walitaka kulipiza kisasi.
Kesi hiyo inashtakiwa chini ya Kifungu cha 107 cha Sheria Na. 68/2018 ya tarehe 30/08/2018, inayobainisha makosa ya jinai na adhabu kwa ujumla nchini Rwanda. Wakitiwa hatiani, wanakabiliwa na kifungo cha maisha jela.
