Kamati ya Kimataifa ya Msalaba Mwekundu (ICRC) imethibitisha kuwa imewahamisha wanajeshi wote wa FARDC (Jeshi la Jamhuri ya Kidemokrasia ya Kongo) waliokuwa wamekimbilia kituo cha MONUSCO huko Goma baada ya kushindwa na waasi wa M23.
Jumla ya wanajeshi 1,359 wasio na silaha pamoja na familia zao walihamishwa kutoka Goma hadi Kinshasa na ICRC.
Zoezi la kuwarejesha lilianza tarehe 30 Aprili, na lilifanyika kwa msaada wa kundi la waasi la M23, ambalo bado linadhibiti baadhi ya maeneo ya Goma.
Baada ya kuwahamisha, uongozi wa ICRC ulieleza matumaini kuwa hatua hiyo itachangia makubaliano zaidi ya kibinadamu ili kupunguza hali ya wasiwasi na mateso kwa raia wa mashariki mwa DRC.
Wanajeshi hao walisafirishwa kwa njia ya barabara umbali wa zaidi ya kilomita 2,000 hadi Kinshasa.
